Երևան քաղաքի ընդհանուր իրավասության դատարանը քիչ առաջ որոշեց 2 ամսով երկարացնել Մայր Աթոռի դիվանապետ Արշակ արքեպիսկոպոս Խաչատրյանի կալանքի ժամկետը։

Արշակ արքեպիսկոպոս Խաչատրյանը 2 ամսով կալանավորվել էր 2025թ. դեկտեմբերի 5-ին։

Հիշեցնենք՝ 2025թ. դեկտեմբերի 4-ին, Քննչական կոմիտեի շենքում, ձերբակալել են Մայր Աթոռի դիվանապետ Արշակ արքեպիսկոպոս Խաչատրյանին։ Համացանցում տարածված տեսանյութի գործով հրավիրել էին հարցաքննության: Սակայն, երբ հարցաքննությունն ավարտվել է, և արքեպիսկոպոսը ցանկացել է լքել շենքը, նրան դիմավորել են Ազգային անվտանգության ծառայության աշխատակիցները՝ հայտնելով քննիչի` ձերբակալման որոշման մասին։

Արշակ սրբազանի նկատմամբ հարուցվել է հանրային քրեական հետապնդում՝ Քրեական օրենսգրքի 393-րդ հոդվածի 2-րդ մասի 1-ին և 4-րդ կետերով (մի խումբ անձանց կողմից նախնական համաձայնությամբ թմրամիջոց ապօրինի իրացնելը՝ հանդիսադիր վայրում):