Էրեբունի վարչական շրջանի Որմնադիրներ 74 հասցեում այսօր՝ փետրվարի 14-ին, կոյուղատարը կրկին խցանվել է։ «Հետքն» այս խնդրի մասին գրել էր փետրվարի 10-ին, երբ կոյուղին լցվում էր բնակիչների տներն ու բակերը։ «Վեոլիա Ջուր» ընկերության Շենգավիթի բաժնի աշխատակիցները հրապարակումից հետո բացել էին խցանումը։ Անցել է ընդամենը 4 օր, կոյուղին նորից ողողել է ամբողջ փողոցը։

Բնակիչները նամակ էին ուղարկել «Ակտիվ քաղաքացի» հավելվածով, որին ի պատասխան՝ Երևանի քաղաքապետարանը նշել է, թե դա «Վեոլիա Ջուր» ՓԲԸ-ի գործառույթն է, և դուրս է իրենց լիազորությունների շրջանակից։ Բնակիչները այսօր մի քանի անգամ զանգահարել են «Վեոլիա Ջուր», սակայն հեռախոսազանգերը մնացել են անպատասխան։