«Բարգավաճ Հայաստան» կուսակցության առաջնորդ Գագիկ Ծառուկյանին ՔԿՀ-ից կրկին բերեցին Քննչական կոմիտե՝ հարցաքննության: Երեկ նույնպես, առավոտից, Ծառուկյանն ամբողջ օրը հարցաքննվում էր ՀՀ քննչական կոմիտեի տնտեսական հանցագործությունների և մաքսանենգութունների քննության գլխավոր վարչությունում։
Հիշեցնենք, որ ԱԺ նախկին պատգամավոր, գործարար Գագիկ Ծառուկյանը հուլիսի 7-ին 2 ամսով կալանավորվել էր, իսկ դրանից մեկ օր առաջ Քննչական կոմիտեի քննիչները խուզարկում էին Ծառուկյանի առանձնատունը և նրա հետ փոխկապակցված 70-ից ավելի այլ հասցեներ։