HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Հայտարարագիր է ներկայացրել 4 թեկնածու. ամենահարուստը Սերժ Սարգսյանն է

ՀՀ նախագահի 8 թեկնածուներից 4-ը ներկայացրել է իր ունեցվածքի վերաբերյալ հայտարարագիր: Հայտարարագրեր դեռ չեն ներկայացրել Պարույր Հայրիկյանը, Արամ Հարությունյանը, Անդրիաս Ղուկասյանը եւ Արման Մելիքյանը: 

Նախագահի թեկնածուներից ամենահարուստը գործող նախագահ Սերժ Սարգսյանն է: Ըստ նրա գույքի ու եկամուտների հայտարարագրի՝ նա Ստեփանակերտ քաղաքում ունի 96 քմ մակերեսով շենք- շինություն, որը նրան պատկանում է ընդհանուր բաժնային սեփականության իրավունքով, ինչպես նաեւ 1992թ. արտադրության «Միցուբիշի Մոնտերո» մակնիշի ավտոմեքենա: 

Սերժ Սարգսյանն ունի 18-20-րդ դարի հին իրեր` արձանիկներ, քանդակներ եւ այլն, ինչպես նաեւ Խանջյանի, Սարյանի, Հակոբյանի, Գյուրջյանի, Բաշինջաղյանի, Մինասի, Երվանդ Քոչարի, Կոջոյանի, Աղեղյանի հեղինակած կտավների հավաքածու: Սերժ Սարգսյանն ունի նաեւ 20-րդ դարի ժամանակակից նկարիչների 32 կտավ: 

Ինչ վերաբերում է եկամուտներին, Սերժ Սարգսյանը 3 մլն 899 դրամի աշխատավարձ ստացել է նախագահի աշխատակազմից, ինչպես նաեւ 2 մլն 596 հազար դրամի աշխատավարձին հավասարեցված հավելագրումներ: 

Նախագահի թեկնածուն ՀՀ բանկերից մեկում ունի ավանդ, որից ստացած տոկոսագումարը կազմել է մոտ 10 մլն 925 հազար դրամ: Ինչ վերաբերում է դրամական միջոցներին, Սերժ Սարգսյանը հունվարի 16-ի դրությամբ ունեցել է 108 մլն 400 հազար դրամ: 

Նշենք, որ 2012թ. խորհրդարանական ընտրությունների ժամանակ Սերժ Սարգսյանը դարձյալ հայտարարագիր էր ներկայացրել, ըստ որի՝ անցած մեկ տարվա ընթացքում ստացել էր 3 միլիոն 896 հազար 800 դրամ աշխատավարձ, 2 միլիոն 45 հազար 89 դրամ էլ աշխատավարձին հավասարեցված վճար: ՀՀ նախագահը նաեւ տրված  փոխառություններ ուներ, որոնցից ստացված տոկոսները կազմել են 8 միլիոն 740 հազար դրամ:

2012 թ. մարտի 1-ի դրությամբ Սերժ Սարգսյանի դրամական հաշվին եղել է 105 միլիոն 600 հազար դրամ: 

Ըստ Րաֆֆի Հովհաննիսյանի գույքի ու եկամուտների հայտարարագրի՝ նա ունի երկու անշարժ գույք եւ մեկ ավտոմեքենա` «Վազ 311000» մակնիշի: Հունվարի 17-ի դրությամբ նախագահի թեկնածուն ունեցել է 402 հազար դրամ եւ 51 հազար դոլար: 

Հրանտ Բագրատյանը հայտարարագրել է 2 բնակարան, մեկ ավտոտնակ եւ մեկ առանձնատուն Երեւան քաղաքում: Դրանք թեկնածուին պատկանում են ընդհանուր համատեղ սեփականության իրավունքով: Հրանտ Բագրատյանն ունի «Նիսսան X-trail» մակնիշի 2003 թ. արտադրության ավտոմեքենա: 

Ինչ վերաբերում է եկամուտներին, Հրանտ Բագրատյանը Ազգային ժողովից ստացել է 2 մլն 180 հազար 980 դրամի աշխատավարձ, հայ-ռուսական համալսարանից` մոտ 1 մլն 74 հազար դրամ, Ուկրաինայի Ազգային բանկի բանկային գործի համալսարանից` մոտ 91 հազար ուկրաինական հրիվնա, ֆրանսիական Pernod-Ricard ընկերությունից ստացել է 9400 եվրոյի շահաբաժին, իսկ 7 մլն 342 հազար դրամի եկամուտ էլ ստացել է վարձակալական վճարից: 

Նշենք, որ Pernod-Ricard ընկերությունում նախագահի թեկնածուի բաժնետոմսը կազմում է 0.0003 տոկոս: Հունվարի 14-ի դրությամբ Հրանտ Բագրատյանն ունեցել է 65 հազար դոլար: 

Թեկնածուներից էպոսագետ Վարդան Սեդրակյանը հայտարարագրել է Կոտայքի մարզում գտնվող 4 հողամաս եւ մեկ անասնագոմ, Երեւանում գտնվող 132 քմ մակերեսով բնակարան եւ 252.4 քմ մակերեսով բնակելի տուն: 

Վարդան Սեդրակյանն ունի 2011թ. արտադրության «Միցուբիշի Outlander 3.0» մակնիշի ավտոմեքենա: Նա ոչ եկամուտ ունի, ոչ արժեթղթեր, ոչ էլ թանկարժեք իրեր, սակայն նրա հաշվին հունվարի 16-ի դրությամբ եղել է 9 մլն 900 հազար դրամ:

Մեկնաբանություններ (2)

Hay
Mejneri [email protected] Vardan Sedrakyann e. Naxagahi ays teknatsun chi ashxatum, chuni yekamut, chuni arjetxter u tankarjeq irer. Ayd depqum harc e tsaghum- ayd [email protected] um mijocnerov e iren @[email protected] pahum? Ov e naxagahi ays teknatsuin hovanavorum? http://www.youtube.com/watch?v=Lim8YB9HV7o
andy
I have read an article that Raffi Hovanesian has asked for a debate between him and Serg Sarkisian, wow, if this ever happen that means we are on the right trac, people everywhere raise your voice, lets do something that this takes place, I know the chance of it happening is slim, but at least we know who the chicken is, who is hiding from the truth, but we already know that, what am I talking about, stupid me.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter