HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

«Դիլիջանի միջազգային դպրոցին» արտոնություններ տրամադրելու օրինագիծը քննարկվում է 24-ժամյա ռեժիմով

Ազգային ժողովն այսօր 87 կողմ, 4 դեմ եւ 50 ձեռնպահ ձայներով առաջին ընթերցմամբ ընդունեց «Դիլիջանի միջազգային դպրոց» ծրագրի շրջանակներում հարկային և մաքսային արտոնություններ տրամադրելու մասին օրենքի նախագիծը:

Մինչ քվեարկությունը պատգամավոր Ալեքսանդր Արզումանյանը նշեց, որ «Մենք դեմ ենք օտարալեզու դպրոցների վերաբացմանը» քաղաքացիական նախաձեռնության անդամները որոշ մտահոգություններ են փոխանցել ընդդիմադիր պատգամավորներին, եւ դրանք պետք է ընդունվեն օրենքի նախագծի հեղինակների կողմից: Պատգամավորն ասաց, որ առաջարկները գրավոր փոխանցելու են կառավարությանը:

ՀՅԴ խմբակցությունից Արմեն Ռուստամյանն էլ հայտարարեց, որ խմբակցությունն այս անգամ ձեռնպահ է քվեարկելու, եւ մինչեւ երկրորդ ընթերցում ներկայացնելու են կոնկրետ առաջարկներ:

ԲՀԿ խմբակցության քարտուղար Նաիրա Զոհրաբյանն էլ ասաց, որ ԲՀԿ խմբակցության պատգամավորները եւս հանդիպել են քաղաքացիական նախաձեռնության անդամների հետ, եւ նրանց հայտնած մտահոգություններն իրոք տեղին են եւ պետք է ընդունվեն կառավարության կողմից:

ԱԺ նախագահ Հովիկ Աբրահամյանը պատգամավորներին կոչ արեց առաջարկները ներկայացնել շատ արագ, քանի որ նախագիծը քննարկվում է 24-ժամյա ռեժիմով: