Ժամը 11:30-ից բազմաթիվ քաղաքացիներ հավաքվել էին ԱԺ դարպասների մոտ, որպեսզի իրենց ներկայությամբ բողոքի ձայն բարձրացնեին այդ պահին խորհրդարանում տեղի ունեցող քվեարկության վերաբերյալ:

Հիշեցնենք, որ այսօր ԱԺ արտահերթ նստաշրջանում պետք է տեղի ունենար 2013 թվականի դեկտեմբերի 2-ին Երեւանում ստորագրված Հայաստանի Հանրապետության կառավարության եւ Ռուսաստանի Դաշնության կառավարության միջեւ «ՀայՌուսգազարդ» փակ բաժնետիրական ընկերության բաժնետոմսերի առուվաճառքի եւ հետագա գործունեության պայմանների մասին» համաձայնագրի քվեարկությունը:

ՀՀԿ և ՕԵԿ խմբակցությունների պատգամավորների` ձեռքով քվեարկությամբ պայմաանգիրը վավերացվեց, սակայն քիչ անց խորհրդարանական մյուս չորս խմբակցությունների ներկայացուցիչները հայտարարեցին, թե քվեարկությունը խախտումներով է եղել, հետևաբար չի կարող վավեր համարվել:

Գազի մասին պայմանագրի դեմ պայքարող քաղաքացիները, չնայած «սիբիրյան» ցրտին, մի քանի ժամ մնացին ԱԺ դարպասների մոտ: