Նարեկ Ալեքսանյան

Մինչ Ազգային ժողովում Սերժ Սարգսյանը ընտրվում էր վարչապետ, Երևանի կենտրոնական և որոշ այլ փողոցներում բողոքի ցույցեր էին ընթանում։ Խորհրդարան տանող բոլոր մուտքերը փակված էին ոստիկանական մեծաքանակ ուժերով և տեխնիկայով։

Քաղաքացիները շրջափակում էին կառավարական շենքեր, դատախազությունը, ՊԵԿ-ը, փակում էին փողոցներ, պողոտաներ, կամուրջներ։ Առավոտյան տասնյակ քաղաքացիներ են բերման ենթարկվել քաղաքի տարբեր մասերից և միայն մի քանի ժամ հետո են նրանց սկսել մաս-մաս բաց թողնել։ Երեկոյան Հանրապետության հրապարակում «Իմ քայլը» նախաձեռնությունը հանրահավաք է հրավիրել։