Ցուցարարները ավտոմեքենաներով փակել են Մարզահամերգային համալիրից Հալաբյան փողոց տանող հատվածը։ Երկկողմանի արգելափակվել է նաև Կիևյան կամրջի երթևեկությունը: Կամրջի սկզբում եւ վերջում մեքնենաներ են կայանված։

Հիշեցնենք, որ երեկ` Ազգային ժողովի հատուկ նիստում պատգամավորների ձայների մեծամասնությամբ վարչապետ չընտրվելուց հետո, «Իմ քայլը» շարժման առաջնորդ Նիկոլ Փաշինյանը կոչ արեց վերսկսկել քաղաքացիական անհնազանդության տոտալ գործողությունները, այսօր վաղ առավոտից` 8:15-ից, շրջափակել հանրապետության հաղորդակցության բոլոր ուղիները` փողոցները, երկաթուղին, մետրոն, օդանավակայանը, միջպետական ճանապարհները, հայտարարել տոտալ դասադուլ և գործադուլ: