Արմեն Գևորգյանի գործով վերաքննիչ բողոքների քննությունը րոպեներ տևեց. նիստը հետաձգվեց
Վերաքննիչ քրեական դատարանը՝ նախագահությամբ դատավոր Ռուզաննա Բարսեղյանի, այսօր սկսեց և րոպեներ անց հետաձգեց նախկին փոխվարչապետ Արմեն Գևորգյանի գործով բողոքների քննությունը: Պաշտպանական կողմը դատական նիստի ընթացքում հայտնել է, որ չի ստացել Գևորգյանին չկալանավորելու առաջին ատյանի դատարանի որոշման դեմ տարված Դատախազության բողոքը: Այս մասին դատարանում գտնվող լրագրողներին ասաց Գևորգյանի պաշտպան Էրիկ Ալեքսանյանը:
Նման պայմաններում դատարանը ստիպված է եղել հետաձգել նիստը: Գործի քննությունը կշարունակվի հունվարի 17-ին:
Հիշեցնենք, որ 2018-ի դեկտեմբերի 11-ին Գևորգյանին երեք նոր մեղադրանք էր առաջադրվել՝ առանձնապես խոշոր չափերով փողերի լվացում, առանձնապես խոշոր չափերով կաշառք ստանալ և սահմանադրական կարգը տապալելուն օժանդակել, և նրան կալանավորելու վերաբերյալ միջնորդություն էր ներկայացվել դատարան:
Մեկնաբանել