HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Լիանա Սայադյան

«Ֆրանսիան չի ճանաչում ինքնահռչակ Լեռնային Ղարաբաղի Հանրապետությունը». պաշտոնական Փարիզ

Ֆրանսիայի Սենատի՝ ԼՂ անկախությունը ճանաչելու անհրաժեշտության մասին բանաձեւի ընդունումից հետո Ադրբեջանի խորհրդարանը երկրի կառավարությանն առաջարկել է պահանջել ԵԱՀԿ-ից` հետ կանչել Ֆրանսիային Մինսկի խմբի համանախագահների կազմից։ Արձագանքելով Ադրբեջանից հնչող այս հայտարարություններին՝ պաշտոնական Փարիզը, ի դեմս պետքարտուղար Ժան-Բատիստ Լեմուանի, որը նոյեմբերի 25-ին Սենատում մասնակցում էր բանաձեւի նախագծի քննարկմանը, եւս մեկ անգամ հիշեցրել է Ֆրանսիայի կառավարության դիրքորոշումն այս հարցում՝ Ֆրանսիան չի ճանաչում ինքնահռչակ Լեռնային Ղարաբաղի Հանրապետությունը: Այս մասին հաղորդագրություն է հրապարակվել Ֆրանսիայի ԱԳՆ պաշտոնական կայքում։

«Որպես ԵԱՀԿ Մինսկի խմբի համանախագահություն մեր պարտականությունն է աշխատել Լեռնային Ղարաբաղի հակամարտության բանակցային լուծում գտնելու ուղղությամբ, մասնավորապես ՝ Լեռնային Ղարաբաղի ապագա կարգավիճակի հարցի շուրջ, և այս բանակցությունների արդյունքը չի կարող նախապես և միակողմանիորեն որոշված լինել: Այսօր մեր առաջնահերթությունը պետք է լինի վերջին մի քանի շաբաթների հակամարտության արդյունքում տեղահանվածների անվտանգ վերադարձի ապահովումը: Պետքարտուղարը Սենատին ուղղված իր ելույթում նշեց, որ մինչ օրս ոչ մի պետություն չի ճանաչել Լեռնային Ղարաբաղը:

Որպես պատասխանատու երկիր՝ հավատարիմ իր արժեքներին և խաղաղությանը նվիրվածությանը, Ֆրանսիան այս շրջանակներում վճռական է տրամադրված ՝ հասնելու հակամարտության տևական կարգավորման, տարածաշրջանի ժողովուրդների անվտանգության և արժանապատվության պահանջներով: Ֆրանսիան կշարունակի անել հնարավորը Հարավային Կովկասում իրավիճակը կայունացնելու համար: Մինսկի խմբի համանախագահության շրջանակներում Ֆրանսիան կպարտավորվի առաջ շարժվել բոլոր այն չափանիշներով, որոնք դեռ պետք է բանակցվեն նոյեմբերի 9-ի հրադադարից հետո, մասնավորապես հակամարտության ընթացքում տեղակայված օտարերկրյա վարձկանների հեռացումը կամ տարածաշրջանի պատմական ու մշակութային ժառանգության պաշտպանությունը»,- ասված է ԱԳՆ հաղորդագրության մեջ:

Լուսանկարում՝ Ֆրանսիայի պետքարտուղար Ժան-Բատիստ Լեմուանը

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter