Ինչպես արդեն տեղեկացրել էր Արցախի տեղեկատվական շտաբը, երեկ մեկնարկել են վնասված գազատար խողովակի վերանորոգման աշխատանքները: Շտաբը հայտնում է, որ բարդ ռելիեֆի և եղանակային պայմանների պատճառով գազամատակարարման վերականգնման  աշխատանքները դեռևս չեն ավարտվել։

«Առաջիկա ժամանակահատվածում հանրությանը կտրամադրվեն լրացուցիչ տեղեկություններ։

Արցախի կառավարությունը հայցում է բոլոր քաղաքացիների ներողամտությունը հարուցված դժվարությունների համար  և հավաստիացնում, որ գազամատակարարումը վերականգնվելու է հնարավորինս կարճ ժամանակահատվածում»,- նշվում է հայտարարության մեջ։

Հիշեցնենք՝ 2022թ․ մարտի 8-ին Արցախի տարածքային կառավարման և ենթակառուցվածքների նախարարությունը հայտնեց, որ ադրբեջանական դիրքի մոտ վնասվել է ՀՀ-ից Արցախ մտնող գազատար խողովակը, և ադրբեջանական կողմը խոչընդոտում է վերանորոգման աշխատանքների իրականացմանը։