Այս տարվա առաջին տասը ամիսներին (2022 հունվար-հոկտեմբեր) Հայաստանի տնտեսական ակտիվության ցուցանիշը, նախորդ տարվա նույն ժամանակաշրջանի համեմատ, աճել է 14.5%-ով։ Ինչպես ցույց են տալիս Վիճակագրական կոմիտեի (ՀՀ ՎԿ) տվյալները, աճին շարունակում են ամենաշատը նպաստել առևտրի ու ծառայությունների ոլորտը։

Մասնավորապես, այս տարվա առաջին տասը ամիսներին առևտրի շրջանառությունը Հայաստանում կազմել է 3 տրլն 424 մլրդ դրամ։ Նախորդ տարվա նույն ամիսների համեմատ դա 15.5%-ով ավելի է։ 

Ծառայությունների ծավալն այս ընթացքում կազմել է 2 տրլն 74 մլրդ դրամ՝ աճելով 27.9%-ով։ 

Արդյունաբերության ամբողջ ծավալը երկրում կազմել է 2 տրլն 128 մլրդ դրամ, աճը՝ 9.9%:

Շինարարության ծավալներն ավելի համեստ են՝ 361  մլրդ դրամ, աճը՝ 14.4%:

Գյուղատնտեսության միտումները կհրապարակվեն դեկտեմբերի տվյալների հետ։ 

Տնտեսական աճը զուգակցվում է բարձր գնաճով։ Այս տարվա հունվար-հոկտեմբերին ապրանքներն ու ծառայությունները Հայաստանումը միջինը 8.7%-ով ավելի թանկ են եղել, քան նախորդ տարվա նույն ամիսներին։

Բարձր աճ կա արտաքին առևտրում՝ 66.4%, որը առավել շատ պայմանավորված է արտահանման 71.2% աճով։ Ներմուծումն այս ընթացքում աճել է 63.5%-ով։ 

Տես նաև՝

• Վաչե Գաբրիելյան. «Հայաստանի երկնիշ տնտեսական աճը միանշանակորեն կապված է ռուսական գործոնի հետ»
• Հայաստանի տնտեսության «թմրանյութը». 9 ամսում արտասահմանից 3,5 մլրդ դոլար է փոխանցվել
• Տնտեսության ութ ամիսը՝ թվերով