«Եվրո-2024»-ի գլխավոր ֆավորիտներից Ֆրանսիայի հավաքականն իր մեկնարկային խաղում 1։0 հաշվով պարտության մատնեց Ավստրիայի ընտրանուն։ Հանդիպումը տեղի ունեցավ «Դյուսելդորֆ Արենա» մարզադաշտում։

Հանդիպման միակ գոլը խփվեց 38-րդ րոպեին։ Կիլիան Մբապեի եզրից կատարած փոխանցումը պատահմամբ սեփական դարպասն ուղարկեց Ավստրիայի հավաքականի պաշտպան Մաքսիմիլիան Վյոբերը։

Ֆրանսիայի և Ավստրիայի D խմբի մյուս խաղում, որը կայացել էր հունիսի 16-ին, Նիդերլանդները 2։1 հաշվով հաղթել էր Լեհաստանին։

Հունիսի 17-ին կայացել են նաև E խմբի հանդիպումները, որոնցում Ռումինիան 3։0 հաշվով պարտության է մատնել Ուկրաինային, իսկ Սլովակիան 1։0 հաշվով առավելության է հասել Բելգիայի նկատմամբ։

Լուսանկարը՝ ՈՒԵՖԱ-ի