HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Զորակոչից խուսափած անձինք 2019թ.-ին վճարել են ավելի քան 2 միլիարդ դրամ. գումարն ուղղվել է ռազմական կարիքներին

«Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» օրենքի շրջանակներում 2019 թվականի ընթացքում բավարարվել են 955 քաղաքացիների դիմումներ, որոնց կողմից վճարվելիք գումարների չափը կազմել է 2 միլիարդ 290 միլիոն 720 հազար դրամ:

Այս մասին «Հետքը» տեղեկանում է Պաշտպանության նախարարությունից ստացված գրավոր հարցման պատասխանից:

Հիշեցնենք, որ վերոնշյալ օրենքը հնարավորություն էր ընձեռում 27 տարին լրացած (պահեստազորի դեպքում` 35), զորակոչից խուսափած անձանց վճարել համապատասխան պետական տուրքը, այդ տեղեկանքը ներկայացնել զինվորական դատախազություն, ինչից հետո ազատվելով քրեական հետապնդումից` անարգել մուտք գործել Հայաստան:

Տեղեկացնենք, որ յուրաքանչյուր օրինախախտի դեպքում վճարվելիք տուրքի չափը տարբեր է` պայմանավորված այն հանգամանքով, թե քանի զորակոչից է վերջինս խուսափել: Օրինակ, եթե քաղաքացին 9 տարի հետախուզման մեջ է եղել, ապա պարտավոր է վճարել ամսական նվազագույն աշխատավարձի (այս դեպքում այն հաշվարկվում է 1000 դրամ) 200-ապատիկի չափով գումար` 3 միլիոն 600 հազար դրամ (1000x200x18):

Պաշտպանության նախարարությունից նաև հիշեցրել են, որ այդ գումարները քաղաքացիների կողմից մուտքագրվում են պաշտպանության բնագավառում պետական լիազոր մարմնի կողմից այդ նպատակով բացված հատուկ հաշվում և օգտագործվում են ռազմական կարիքների բավարարման համար` Կառավարության սահմանված կարգով:

Ընդգծենք, որ օրենքն իր ուժը կորցրել է նախորդ տարվա դեկտեմբերի 31-ին, ինչն իր ազդեցությունն է ունեցել 2019-ին դիմումների կտրուկ աճի վրա:

Նախորդ տարվա մարտին` նախագծի խորհրդարանական քննարկումների ժամանակ, ԱԺ պաշտպանության և անվտանգության հարցերի մշտական հանձնաժողովի անդամ Արմեն Խաչատրյանը հայտնել էր, որ միայն 2016-2017 թվականների ընթացքում 625 անձ 795 միլիոն դրամի չափով գումար է վճարել՝ խուսափած զորակոչերի համար:

Մեկնաբանություններ (1)

ani
means... the rich evoid to die in "unknown " military incidents by paying , and the poor have to serve and risk their lives... Something must change here, if the government wants to be taken for credible. Corruption must be fought in the army too, the world is watching ( friends and ennemies ! )

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter