Ռայնիսի փողոցում շենքի պայթյունից տուժածները վարձով բնակարաններում կապրեն մինչև նրանց նոր տներ տրամադրվեն
Ռայնիսի 1 հասցեի բնակիչները հյուրանոցում կմնան 10 օր, այնուհետ բնակարան կվարձակալեն, որի գումարը կփոխանցի Երևանի քաղաքապետարանը։ Այս մասին «Հետք»-ին հայտնեց Երեւանի քաղաքապետի մամուլի խոսնակ Հակոբ Կարապետյանը։
Հակոբ Կարապետյանը քիչ հավանական համարեց, որ վնասված կամ փլված բնակարանները կվերականգնվեն։
Նրա փոխանցմամբ՝ պայթյունից տուժածներին բնակարանով ապահովելու հարցը քաղաքապետարանն այժմ քննարկում է կառավարության հետ։
Հիշեցնենք, որ օգոստոսի 26-ի առավոտյան պայթյունի հետեւանքով փլուզում տեղի ունեցավ Երեւանի Քանաքեռ-Զեյթուն վարչական շրջանի Ռայնիսի փողոցում գտնվող 4-հարկանի շենքում։ Նախնական վարկածով՝ պայթյունի պատճառ է դարձել բնական գազի արտահոսքը։ Մասնակի փլուզվել է նույն շքամուտքում գտնվող 12 բնակարան։ Նշենք, որ այդ պայթյունից հետևանքով արդեն երկու մարդ մահացել է, որոնցից մեկը՝ այսօր։
Մեկնաբանել