Ազգային ժողովը 67 կողմ ձայնով, փակ գաղտնի քվեարկությամբ Բարձրագույն դատական խորհրդի անդամ ընտրեց Արդարադատության նախարար արդեն նախկին նախարար Կարեն Անդրեասյանին և Արդարադատության նախարարի տեղակալ Երանուհի Թումանյանցին: Ընդդիմադիր պատգամավորները չէին մասնակցում այսօրվա նիստին:

107 պատգամավորից քվեարկությանը մասնակցել է 67-ը: Երկու թեկնածուի օգտին էլ քվեարկել էր 67 պատգամավոր: Որևէ պատգամավոր դեմ չէր քվեարկել թեկնածուներին:

Քվեարկության արդյունքները հրապարակելուց հետո ԱԺ դահլիճում Անդրեասյանն ու Թումանյանցը երդվեցին:

Հիշեցնենք, Այսօր Ազգային ժողովում պատգամավորների նախաձեռնությամբ արտահերթ նիստ էր հրավիրվել` ԲԴԽ երկու անդամ ընտրելու նպատակով: Ազգային ժողովի «Քաղաքացիական պայմանագիր» խմբակցությունը ԲԴԽ անդամի պաշտոնում առաջացած երկու թափուր տեղերի համար թեկնածուներ է առաջադրել Կարեն Անդրեասյանին և Երանուհի Թումանյանցին:

Թեմային վերաբերող լուրեր`

• Ազգային ժողովում արտահերթ կարգով Կարեն Անդրեասյանին և Երանուհի Թումանյանցին ընտրում են ԲԴԽ անդամ
• Կարեն Անդրեասյան. «Արդար դատարանը միշտ եղել է իմ երազանքը»
• Կարեն Անդրեասյանը պատասխանեց իշխանական պատգամավորների «մեղմ» հարցերին
• ԲԴԽ անդամի թեկնածու Երանուհի Թումանյանցը ևս նախընտրեց «շատ չխոսել»
• ԲԴԽ անդամի թեկնածուին ընդամենը մեկ բովանդակային հարց տվեցին