Հրազդանի թիվ 26/14 ընտրատեղամասում գրանցված 1881 ընտրողներից քվեարկությանը մասնակցեց 1052-ը կամ տվյալ տեղամասում գրանցված ընտրողների ընդհանուր թվի մոտ 56 տոկոսը։

Այս տեղամասը աչքի ընկավ նաև օգնողների բարձր ցուցանիշով։ 69 քաղաքացի կամ քվեարկության մասնակիցների 6.5 տոկոսն այստեղ ընտրությունը կատարել է օգնողների միջոցով։

Հիշեցնենք, որ այս ընտրատեղամասում տեղի ունեցած միջադեպի վերաբերյալ «Հետք»-ի հրապարակման հիման վրա Քննչական կոմիտեի Կոտայքի մարզային քննչական վարչությունը նյութեր է նախապատրաստում։

26/14 ընտրատեղամասում է քվեարկել քաղաքապետի թեկնածուներից մեկը՝ Սևակ Միքայելյանը, ինչպես նաև նրա հայրը՝ ԱԺ պատգամավոր, «Քաղաքացիական պայմանագիր» կուսակցության վարչության նախագահ Սասուն Միքայելյանը։ Հրազդանի քաղաքապետի պաշտոնում առաջադրված մյուս թեկնածուն անկուսակցական Լևոն Ստեփանյանն է։