HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տրդատ Մուշեղյան

Օպերային հարող սրճարանների ապամոնտաժման աշխատանքները վերսկսվել են

Այսօր առավոտյան Երևանի քաղաքապետարանը վերսկսել է Օպերային հարող սրճարանների ապամոնտաժումը: Ի տարբերություն նախորդ երկու օրերի՝ այսօր աշխատանքները ընթանում են հանդարտ մթնոլորտում, քանի որ սրճարանների աշխատակիցները չեն խոչընդոտում աշխատանքները:

Հիշեցնենք, որ երեկ՝ մարտի 14-ին, սրճարանների աշխատակիցները ի նշան ապամոնտաժման դեմ բողոքի՝ փակել էին Մաշտոցի պողոտան, ապա Թումանյան փողոցը: Երկու դեպքում էլ ոստիկաններին հաջողվեց բացել փողոցները և վերականգնել երթեկությունը: Եղան բերման ենթարկվածներ, երկու դեպքով ոստիկանությունում նախապատրաստվում են նյութեր:

Այնուհետև Ազատության հրապարակում քաշքշուկ սկսվեց սրճարանների աշխատակիցների և ոստիկանների միջև:

Կենտրոն վարչական շրջանի ղեկավար Վիկտոր Մնացականյանը երեկ հայտարարեց, որ ապամոնտաժման աշխատանքները չեն դադարելու և իրենց քաղաքական թիմը պատասխանատու է քաղաքի բարեկարգման համար:

Երևանի քաղաքապետարանը նախատեսում է ապամոնտաժված սրճարանների տեղում կանաչապատում իրականացնել, իսկ հետո բաց մրցույթ հայտարարել՝ Օպերայի ճարտարապետական դիմագիծը վերականգնելու նպատակով:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։