Այսօր՝ հոկտեմբերի 10-ից ժամը 12:00-ից պետք է սկսեր հումանիտար հրադադար։  Սակայն Ադրբեջանը, անտեսելով ժամը 12:00-ին հայտարարված հրադադարը, 12:05-ին գրոհ է ձեռնարկել «Կարախանբեյլի» կոչվող տեղամասի ուղղությամբ։ 

Մինչ այդ, Արցախի պաշտպանության բանակի ստորաբաժանումներին արդեն տրված էր կրակի դադարի հրաման։

Նշենք, որ մինչ այդ Ադրբեջանը հրթիռակոծել է Ստեփանակերտը, կիրառել է հարվածային ԱԹՍ Երիցվանք գյուղական համայնքի, նաև Հայաստանի Սյունիքի մարզի, Կապանի շրջանի Արծվանիկ բնակավայրի ուղղությամբ։ 

Ապա, Ադրբեջանի ԶՈՒ-ն կրակի տակ է առել Հադրութ քաղաքը։