Երեկվանից՝ օգոստոսի 25-ից, ադրբեջանցիները փակել են Սյունիքի Շուռնուխ-Կարմրաքար համայնքները կապող ճանապարհը, այսօր փակել են նաև Գորիս քաղաքից Որոտան տանող ճանապարհը։ Դա Երևան-Մեղի-Իրանի Իսլամական Հանրապետություն միջպետական «M2» ճանապարհն է։

Գարնանը «Հետք»-ն այցելել էր սահմանամերձ դարձած Որոտան գյուղ՝ վավերագրելու պատերազմից հետո նոր իրականությունում հայտնված գյուղի կյանքը, որտեղ բնակիչներն ապրում են ադրբեջանական նոր դիրքերի անմիջական հարևանությամբ։ Գյուղում նույնիսկ մի քանի ընտանիք էր վերաբնակեցվել՝ Արցախի կորսված բնակավայրերից։ 

Այժմ քաղաքացիների տեղաշարժը ճանապարհի այդ հատվածում, որտեղ գտնվում է նաև Որոտան գյուղը, դադարեցված է։

Լուսանկարներում Որոտանի առօրյան է՝ 2021 թ․-ի ապրիլին։

Գորիս - Որոտան ճանապարհը

Ադրբեջանցիները գյուղի մուտքի մոտ․ մի փոքր այն կողմ ռուս զինվորականներն են

Փոքրիկ որոտանցին

Արցախից տեղահանված Ամանդան ծաղիկներ է հավաքում

Դասամիջոցին երեխաները ֆուտբոլ ու վոլեյբոլ են խաղում

Ադրբեջանցի զինվորականը սարի վրա

Արևիկը՝ Որոտանի ամենաակտիվ երեխաներից

Հարևանները, միմյանց օգնելով, տան համար նոր սենյակ են կառուցում

Ընդմիջում՝ տնամերձ այգին մշակելուց

Նոր տեղադրված խաչը և եռագույնը

Իշխանաձորից տեղահանված ընտանիքը

Դանիելյանների մասին ֆոտոպատմությունը՝ այստեղ։

Ալաշկերտից տեղահանված ընտանիքը

Իսունցների մասին պատմությունը՝ այստեղ։

Դպրոցում աշակերտների թիվն ավելացել է՝ տեղահանվածների հաշվին

Գյուղում երեխաները ժամանցի ու զբաղվածության վայրեր չունեն։

Սանասար հոթելը՝ ճանապարհամերձ հացատուն-հյուրատունը

Սանասարում հյուրընկալությունը մոռացնել է տալիս տիրող իրավիճակը

Գոռը քրոջ՝ Սաթենիկի, «Հայաստան» նկարի հետ

Որոտան գյուղ, ապրիլ, 2021 թ․։