ԱՄՆ նախկին նախագահ Մայք Փենսը կարծում է, որ Դոնալդ Թրամփը, որի վարչակազմում էլ հենց փոխնախագահ է եղել Փենսը, 2024 թվականի նախագահական ընտրություններից առաջ չի դառնա Հանրապետական կուսակցության միասնական թեկնածուն։ Այդպիսի գնահատականով քաղաքական գործիչը, որը ևս հայտարարել է իր թեկնածության առաջադրման մասին, հանդես է եկել CNN հեռուստաընկերության եթերում։

«Ես չեմ կարծում, որ Դոնալդ Թրամփը կդառնա թեկնածու»,- հայտարարել է Փենսը՝ պատասխանելով այն հարցին, թե արդյոք ինքը կաջակցի նախկին նախագահի թեկնածությանը, եթե վերջինս հաղթի Հանրապետական կուսակցության փրայմերիզում։ «Ես հավատում եմ ընտրողներին»,- ընդգծել է նախկին փոխնախագահը։

Փենսի խոսքով՝ Հանրապետական կուսակցությունից առաջադրմանը հավակնում են «մի շարք ուժեղ և փորձառու քաղաքական գործիչներ»։ «Չեմ կարծում, որ իմ նախկին գործընկերը հանրապետականներից կդառնա նախագահի թեկնածու»,- ընդգծել է Փենսը՝ հույս հայտնելով, որ դա կլինի ինքը։

Նախկին փոխնախագահ Մայք Փենսը պաշտոնապես հայտարարել է 2024 թվականի նախագահական ընտրություններին իր թեկնածության առաջադրման մասին։ Ընդորում նա գործող նախագահ Ջո Բայդենին և արմատական ձախերին մեղադրել է նրանում, որ «նրանք ԱՄՆ-ն թուլացրել են ինչպես ներսից, այնպես էլ միջազգային արենայում»։

ԱՄՆ-ում նախագահական հաջորդ ընտրությունները կկայանան 2024 թվականի նոյեմբերին։ Բացի Փենսից ու Թրամփից, Հանրապետական կուսակցությունից նախագահի թեկնածությանը հավակնում են նաև նաև Ֆլորիդայի նահանգապետ Ռոն Դեսանթիսը, ՄԱԿ-ում ԱՄՆ նախկին մշտական ներկայացուցիչ Նիքի Հեյլին, Հարավային Կարոլինայից սենատոր Թիմ Սքոթը, Նյու Ջերսիի նախկին նահանգապետ Քրիս Քրիսթին, Հյուսիսային Դակոտայի նահանգապետ Դագ Բերգամը և ուրիշներ։ 

Այս տարվա ապրիլի 25-ին գործող նախագահ, դեմոկրատ Ջո Բայդենը հայտարարել էր, որ մտադիր է վերընտրվել նախագահի պաշտոնում։ Թրամփը դեռ 2022 թվականի նոյեմբերին էր հայտարարել նախագահական մրցավազքին մասնակցելու իր մտադրության մասին։

Լուսանկարը՝ MICHAEL CONROY/A.P. IMAGES