Մարտի 24-ին՝ ժամը 08։47-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Հարթավան-Երնջատափ ավտոճանապարհի 5-րդ կմ-ին տեղի է ունեցել քարաթափում: Այս մասին հայտնում է արտակարգ իրավիճակների նախարարությունը։

Դեպքի վայր են մեկնել մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ։

Պարզվել է, որ տեղի է ունեցել քարաթափում (մոտ 20 խմ)․ երթևեկությունը երկկողմանի փակվել է։

«Ապարանի» ՃՇՇ-ի աշխատակիցների կողմից իրականացվում են ճանապարհի մաքրման աշխատանքներ։

Լրացում․ Ժամը 11։20-ի դրությամբ ճանապարհահատվածը դարձել է երկկողմանի երթևեկելի։ «Ապարանի» ՃՇՇ-ի աշխատակիցները շարունակում են իրականացել ճանապարհի մաքրման աշխատանքներ։

Փրկարարները տեղում իրականացրել են հերթապահություն։