ՃՏՊ Էջմիածին-Երևան ճանապարհին․ վարորդն արգելափակվել է մեքենայում
Հուլիսի 24-ին՝ ժամը 16։35-ին, Ճգնաժամային կառավարման ազգային կենտրոն ահազանգ է ստացվել, որ Էջմիածին-Երևան ավտոճանապարհին տեղի է ունեցել ՃՏՊ․ կա տուժած։ Այս մասին հայտնում է Արտակարգ իրավիճակների նախարարությունը (ԱԻՆ)։
Դեպքի վայր են մեկնել հրշեջ-փրկարարական ջոկատից մեկ մարտական հաշվարկ և հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ բախվել են ավտոամբարձիչը (վարորդ՝ Գ․ Հ․) և Honda CR-V մակնիշի ավտոմեքենան (վարորդ՝ Հ․ Պ․, ծնված 1950 թ․)։ Վերջինիս վարորդն արգելափակվել է ավտոմեքենայում։
ԱԻՆ-ի փոխանցմամբ՝ փրկարարները քաղաքացուն դուրս են բերել արգելափակումից և մոտեցրել շտապօգնության ավտոմեքենային։ Տուժածը հոսպիտալացվել է «Աստղիկ» ԲԿ, որտեղ բժիշկները նրա արողջական վիճակը գնահատել են միջին ծանրության։
Փրկարարները սահմանազատել են տարածքը, հոսանքազրկել Honda CR-V մակնիշի ավտոմեքենան և փակել գազի բալոնի փականը։
Մեկնաբանել