Հայաստանի արտաքին գործերի նախարարությունը (ԱԳՆ) ՀՀ քաղաքացիների՝ Վրաստան մուտքի վերաբերյալ հայտարարություն է տարածել, որում ասվում է հետևյալը․

«Հայկական մամուլում տեղեկատվություն է շրջանառվում առ այն, որ օտարերկրացիների՝ Վրաստան մուտքն ազատ է COVID-19-ի թեստի բացասական պատասխանի առկայության դեպքում։

Տեղեկացնում ենք, որ Վրաստանի կառավարության սահմանած նոր կարգավորումներով Հայաստանը ներառված չէ այն երկրների ցանկում, որոնց քաղաքացիները կարող են COVID-19-ի թեստի բացասական պատասխանի առկայության դեպքում մուտք գործել Վրաստան։

ՀՀ քաղաքացիների՝ Վրաստան մուտքը հնարավոր է բացառապես օդային ճանապարհով՝ COVID-19-ի պատվաստման ամբողջական կուրսն (երկու դեղաչափ) անցնելուց հետո»։