«Վեոլիա ջուր»-ը ՀԷՑ-ին պարտք չէ
«Վեոլիա ջուր» ընկերությունն այսօր հայտնել էր, որ ջրամատակարարման գրաֆիկի խախտումները պայմանավորված են «Հայաստանի էլեկտրական ցանցեր» ՓԲԸ կողմից մատակարարվող էլեկտրաէներգիայի լարման տատանումներով:
Դրան հաջորդեցին հրապարակումներ, թե պատճառը «Հայաստանի էլեկտրական ցանցեր» ՓԲԸ-ին «Վեոլիա Ջուր» ՓԲԸ-ի պարտքն է:
«Վեոլիա Ջուր» ՓԲԸ-ն հայտնում է, որ կանոնավոր վճարում է մատուցված ապրանքների ու ծառայությունների դիմաց և որևէ պարտք չունի ՀԷՑ-ին:
«Եվս մեկ անգամ հայտնում ենք, որ խնդիրը զուտ տեխնիկական բնույթի է, կապված «Հայաստանի էլեկտրական ցանցեր» ՓԲԸ-ի կողմից մատակարարվող էլեկտրաէներգիայի լարման տատանումների հետ, որի պատճառով առաջանում են ընդհատումներ համակարգի պոմպակայանների աշխատանքում ու խախտվում է ջրամատակարարման ժամանակացույցը»,-ասված է «Վեոլիա Ջուր» ՓԲԸ-ի հաղորդագրության մեջ:
Մեկնաբանել