Ստեփանակերտի մոտակայքում խոցվել է հակառակորդի երկու ԱԹՍ
Պաշտպանության բանակի (ՊԲ) հակաօդային պաշտպանության (ՀՕՊ) ստորաբաժանումները Ստեփանակերտից հյուսիս-արևմուտք ընկած հատվածում ժամը 19:30-ի սահմաններում խոցել են հակառակորդի երկու անօդաչու թռչող սարք (ԱԹՍ): Այս մասին տեղեկացնում է Հայաստանի պաշտպանության նախարարության (ՊՆ) մամուլի խոսնակ Շուշան Ստեփանյանը։
«Լարվածությունն առաջնագծում պահպանվում է: Հրետանային և ականանետային փոխհրաձգություն է:
Հարավարևելյան ուղղությամբ դիտարկվել է հակառակորդի շարասյուն, որի ուղղությամբ վարվել է դիպուկ կրակ՝ ոչնչացնելով մեծ քանակի կենդանի ուժ և տեխնիկա։
ՊԲ զորատեսակները վստահաբար կատարում են իրենց մարտական առաջադրանքները, հակառակորդի մարտական ներուժի մաշումը շարունակվում է»,- հայտնել է ՊՆ խոսնակը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել