Դասընթաց՝ Հայաստանում էներգետիկ համակարգի զարգացման հեռանկարների վերաբերյալ
Կոնրադ Ադենաուեր հիմնադրամը Հանուն Մարդկային Կայուն Զարգացման ՀԿ-ի հետ համատեղ սեպտեմբերի 17-19-ը Գյումրիում իրականացնելու է «ՀՀ էներգետիկ համակարգի զարգացման հեռանկարները. վերականգնվող էներգետիկան որպես էներգետիկ հիմնախնդիրների լուծման հիմնասյուն» խորագիրը կրող եռօրյա դասընըթացը: Միջոցառումը տեղի է ունենալու Գյումրու «Բեռլին Արտ Հոթել»-ում:
Դասընթացը նվիրված է ՀՀ էներգետիկ համակարգի հիմախնդիրներին և լուծման հավանական ուղիներին: Առանցքում դիտարկվելու են վերաականգնվող էներգետիկայի և էներգախնայողության հիմնահարցերը, ՀՀ ռազմավարական ծրագրերը և զարգացումների հավանական սցենարները: Ծրագիրը բաղկացած է լինելու տեսական և գործնական բաժիններից, ինչպես նաև՝ ոլորտային օբյեկտներ այցելություններից:
Մասնակիցները ծրագրի ավարտին կստանան մասնակցության վկայական: Դասընթացը վարելու են ոլորտի փորձառու մասնագետներ:
Դասընթացի կազմակերպամնն ու իրականացմանն աջակցում են նաև Կանաչ տեխնոլոգիաների հայկական կենտրոն հիմնադրամը և «Բիոսոֆիա» առողջապահության, բնապահպանության եւ գյուղատնտեսության զարգացման կենտրոն ՀԿ-ն:
Ծրագրին կարող են մասնակցել Շիրակի մարզի՝
- ՏԻՄ ներկայացուցիչները;
- հասարակական կազմակերպությունների ներկայացուցիչները;
- լրագրողները;
- բիզնես սեկտորի ներկայացուցիչները,
- ոլորտային ուսանողները:
Ծրագրի մասնակցության բոլոր ծախսերը կհոգա Կոնրադ Ադենաուեր հիմնադրամը: Ծրագրին մասնակցելու համար հայտերի ընդունման վերջնաժամկետն է ս.թ. սեպտեմբերի15-ը: Ծրագրի լրացված հայտերը ներկայացնել [email protected] էլեկտրոնային հասցեով:
Մեկնաբանել