Խորհրդարանը երկրորդ ընթերցմամբ և ամբողջությամբ ընդունեց «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքում փոփոխություններ կատարելու նախագիծը՝ առաջարկելով վերանայել 1000 դրամների հիմնադրամի դրոշմանիշային վճարների հատուցման չափը:

Մինչև 100 հազար դրամ հարկման բազայի դեպքում դրոշմանիշային վճարը կլինի 1500 դրամ, 101 հազարից մինչև 200 հազար հարկման բազայի դեպքում՝ 3000 դրամ, 201 հազարից մինչև 500 հազար դրամ հարկման բազայի դեպքում՝ 5500 դրամ, 501 հազարից մինչև մինչև 1 միլիոն հարկման բազայի դեպքում՝ 8500 դրամ, 1 միլիոն 1000 դրամ և ավելի հաշվարկման բազայի դեպքում` 15 հազար դրամ (հարկերը ներառյալ աշխատավարձը):

Նախագիծը ներկայացնող արդարադատության նախարար Ռուստամ Բադասյանի խոսքով` նախագիծը առաջինից երկրորդ ընթերցում չի փոփոխվել: Նախարարի խոսքով` ԱԺ պատգամավոր Արտակ Մանուկյանի առաջարկը` երկու միլիոն դրամը գերազանցող եկամուտների դեպքում քսան հազար դրամ սահմանելը կառավարության համար ընդունելի է: Նման նախագիծ ներկայացվելու դեպքում այն կարժանանա կառավարության դրական եզրակացությանը: Փոփոխությունները գործելու են 2021 թվականի հունվարի մեկից: