Այսօր՝ նոյեմբերի 18-ին, Փարիզի քաղաքապետարանի կողմից Արցախի Հանրապետության ճանաչման մասին կոչը ընդունելուց մի քանի ժամ անց Ֆրանսիայի Հանրապետության Սենատը որոշում է կայացրել «Լեռնային Ղարաբաղի Հանրապետության ճանաչման անհրաժեշտության մասին» բանաձեւի նախագիծ քվեարկության ներկայացնել: Այս մասին հայտնում է Արցախի արտգործնախարար Մասիս Մայիլյանը:

«Նախագիծը ստորագրել են Սենատի առաջին ամենախոշոր 5 քաղաքական խմբակցությունների նախագահները, ինչը խորհրդանշում է Ֆրանսիայի Սենատում Արցախի անկախության մասին համընդհանուր միաձայնությունը»,- նշել է Մայիլյանը:

Սենատում նախագիծը կքննարկվի նոյեմբերի 25-ին։ «Միայն անկախությունը կարող է կայուն կերպով երաշխավորել Լեռնային Ղարաբաղի բնակչության իրավունքներն ու ազատությունները` թուրքական իսլամիստական ​​նվաճողականության դեմ հանդիման»,-իր թվիթերյան հաշվում գրել է նախագծի համահեղինակ, ֆրանսիացի սենատոր Բրունո Ռետայրոն:

Le 25/11, le Sénat examinera une résolution proposant la reconnaissance par la République française de la République d’Artsakh. Seule son indépendance peut garantir durablement les droits et libertés des populations du Haut Karabakh face à l’expansionnisme islamiste turc. pic.twitter.com/97yFQxQ02r

— Bruno Retailleau (@BrunoRetailleau) November 18, 2020