Հայաստանի և Իրանի արտգործնախարարները հեռախոսազրույց են ունեցել
Ապրիլի 8-ին իրանական կողմի նախաձեռնությամբ Հայաստանի արտաքին գործերի նախարար Զոհրաբ Մնացականյանը հեռախոսազրույց է ունեցել Իրանի արտաքին գործերի նախարար Մոհամմադ Ջավադ Զարիֆի հետ:
Հայաստանի ԱԳՆ մամուլի ծառայության փոխանցմամբ՝ զրուցակիցները մտքեր են փոխանակել նոր տիպի կորոնավիրուսի դեմ պայքարի ուղղությամբ գործադրվող ջանքերի վերաբերյալ: Նախարար Զարիֆը Իրանի կառավարության անունից ցավակցություն է հայտնել իր գործընկերոջը՝ կորոնավիրուսի հետևանքով գրանցված զոհերի կապակցությամբ և զորակցություն մաղթել հայ ժողովրդին:
Ըստ հաղորդագրության՝ նախարար Մնացականյանը ներկայացրել է ՀՀ կառավարության կողմից համավարակի տարածման դեմ արդյունավետ պայքարելու ուղղությամբ գործադրվող ջանքերը:
Հանդիպման ընթացքում անդրադարձ է կատարվել նաև երկկողմ համագործակցության հարցերի լայն շրջանակի:
Մեկնաբանել