Օգոստոսի 31-ի դրությամբ անհուսալի ճանաչված ֆիզիկական անձանց վարկերի տույժ-տուգանքները կարող են ներվել
Խորհրդարանն արտահերթ նիստում երկրորդ ընթերցմամբ և ամբողջությամբ ընդունեց Կառավարության ներկայացրած Հարկային օրենսգրքում փոփոխություններ կատարելու Կառավարության օրենսդրական առաջարկը: Այն ընդունվեց միաձայն` 88 կողմ ձայնով:
Ըստ այս փոփոխության` հնարավորություն կընձեռվի 2020-ի օգոստոսի 31-ի դրությամբ անհուսալի ճանաչված, չսպասարկված ֆիզիկական անձանց վարկերի գծով հաշվարկված տույժ-տուգանքները ներելու: Ինչպես նաև բանկերը և վարկային կազմակերպությունները կազատվեն այդ տույժ-տուգանքների համար վճարվելիք շահութահարկի պարտավորությունից:
Ֆինանսների նախարարության գնահատմամբ` ընդհանուր առմամբ 13,5 միլիարդ դրամի տույժ-տուգանք է հաշվեգրվել, որոնք պոտենցիալ առումով կարող են ներվել, և վերաբերում են շուրջ 230 հազար վարկային պայմանագրերի, որոնք արդեն անհուսալի են ճանաչվել: Հիշեցնենք, որ տույժ-տուգանքների ներման վերջնական որոշումը կայացվելու է բանկերի կողմից:
Մեկնաբանել