Զոհրաբ Մնացականյանը հեռախոսազրույց է ունեցել Տաջիկստանի արտգործնախարարի հետ
Մայիսի 20-ին Հայաստանի արտաքին գործերի նախարար Զոհրաբ Մնացականյանը հեռախոսազրույց ունեցավ Տաջիկստանի արտգործնախարար Սիրոջիդին Ասլովի հետ։ Այս մասին տեղեկացնում է ՀՀ ԱԳՆ մամուլի ծառայությունը:
Հայաստանի և Տաջիկստանի արտգործնախարարները մտքեր փոխանակեցին ազգային մակարդակներում նոր տիպի կորոնավիրուսով պայմանավորված մարտահրավերների հասցեագրման շուրջ:
Ըստ հաղորդագրության՝ որպես փոխգործակցության առաջնային ուղղություններ՝ արտգործնախարարներն առանձնացրեցին առևտրատնտեսական, էներգետիկայի, բժշկության, գիտության, նորարարության և տեղեկատվական տեխնոլոգիաների, ինչպես նաև մշակութային-հումանիտար ոլորտները:
Հայաստանի և Տաջիկստանի ԱԳՆ ղեկավարները հանգամանալից անդրադարձան համագործակցությանը տարածաշրջանային և միջազգային ձևաչափերում՝ այդ թվում ՄԱԿ, ՀԱՊԿ, ԱՊՀ շրջանակներում:
Զրուցակիցները մտքեր փոխանակեցին նաև տարածաշրջանային և միջազգային օրակարգի մի շարք հարցերի շուրջ:
Մեկնաբանել