Սեպտեմբերի 8-ին՝ ժամը 17:56-ին, Ճգնաժամային կառավարման ազգային կենտրոն տեղեկություն է ստացվել, որ Երևանի Օհանովի փողոցի մոտակայքով անցնող ջրանցքում նռնականետ է հայտնաբերվել։ Այս մասին հաղորդում է արտակարգ իրավիճակների նախարարությունը:

Դեպքի վայր են մեկնել Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական խումբը:

Պարզվել է, որ Մալաթիայի փողոցի թիվ 21/2 հասցեի մոտակայքով անցնող Հրազդանի ներքին ջրանցքում հայտնաբերվել է ՁՀՆ-7 (ձեռքի հակատանկային նռնականետ) տիպի նռնականետի արկ։

Ինժեներասակրավորական խումբը նռնակը տեղափոխել է անվտանգ տարածք՝ հետագա վնասազերծման։