Վարչապետ Նիկոլ Փաշինյանի որոշմամբ՝ Վիգեն Ավետիսյանն ազատվել է բնապահպանության և ընդերքի տեսչական մարմնի ղեկավարի պաշտոնից:

«Ղեկավարվելով «Տեսչական մարմինների մասին» Հայաստանի Հանրապետության օրենքի 8-րդ հոդվածի 1-ին մասով՝ Վիգեն Ավետիսյանին ազատել բնապահպանության և ընդերքի տեսչական մարմնի ղեկավարի պաշտոնից»,- ասվում է վարչապետի որոշման մեջ։

Հիշեցնենք, որ Վիգեն Ավետիսյանը բնապահպանության և ընդերքի տեսչական մարմնի ղեկավարի պաշտոնը ստանձնել էր 2019 թվականի մայիսի 15-ին՝ այդ պաշտոնում փոխարինելով Արթուր Գրիգորյանին: