Խորհրդարանն առաջին ընթերցմամբ ընդունեց «Իմ քայլը» խմբակցության պատգամավորներ Արթուր Դավթյանի, Նազելի Բաղդասարյանի և Վլադիմիր Վարդանյանի հեղինակած «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում փոփոխություններ կատարելու նախագիծը: Այն ընդունվեց 111  կողմ, 1 դեմ և 2 ձեռնպահ ձայների հարաբերակցությամբ: Փոփոխություններով առաջարկվում է օրենքով ամրագրել, որ դատական կարգադրիչները ևս կարող են ստանալ հավելավճար:

Հիշեցնենք, որ գործող իրավակարգավորմամբ հավելավճար ստանում են հարկադիր կատարողները, հարկային, մաքսային, Հատուկ քննչական ծառայության ծառայողները, Քննչական կոմիտեի ծառայողները: