Շարժական կապի բոլոր բաժանորդները, որոնք այս կամ այն ծառայության մատուցման համար դիմել են Կադաստրի կոմիտեի գրասենյակներ, այսուհետ արագ կծանուցվեն իրենց դիմումի պատասխանի պատրաստ լինելու մասին։ Կոմիտեի որոշմամբ, հաղորդագրությունը լինելու է միմիայն հայերեն (տե′ս լուսանկարը)։

Անշարժ գույքի կադաստրի կոմիտեի տեղեկատվության և հասարակայնության հետ կապերի բաժնի հաղորդմամբ` ծանուցումից հետո պատասխանը ստանալու համար քաղաքացիները կարող են այցելել Կադաստրի որևէ գրասենյակ: Դիմումի պատասխանին կարելի է ծանոթանալ նաև մուտք գործելով e-cadastre.am կայքէջ: