«Շիրակի հանրային հեռուստառադիո» ՓԲԸ-ի աշխատողների աշխատավարձերի վճարման, այլ ընթացիկ ծախսերի իրականացման, ինչպես նաև լուծարման գործընթացի կազմակերպման նպատակով ընկերությանը կառավարության պահուստային ֆոնդից կտրամադրվի 37,5 միլիոն դրամ։

Նույն նպատակով «Հասարակական կարծիքի ուսումնասիրման կենտրոն» ՓԲԸ-ն գործադիրի պահուստային ֆոնդից ստացավ մոտ 15 միլիոն դրամ։

Նման որոշում կայացրեց կառավարությունը այսօրվա նիստին՝ տրանսպորտի, կապի և տեղեկատվական տեխնոլոգիաների նախարարության առաջարկով։

ՓԲԸ-ներին կառավարությունից հատկացվող գումարը կտրամադրվի Հանրային հեռուստառադիոընկերության խորհրդին, որն էլ իր հերթին գումարը ընկերություններին կփոխանցի որպես նվիրատվություն։