ՀՀ-ի և Մոնղոլիայի կառավարությունների միջև դիվանագիտական անձնագրեր ունեցողները մուտքի արտոնագրի կարիք չեն ունենա
Հայաստանի Հանրապետության և Մոնղոլիայի կառավարությունների միջև հաստատվեց դիվանագիտական և պաշտոնական անձնագրեր ունեցող անձանց մուտքի արտոնագրի պահանջից ազատելու մասին համաձայնագիրը հաստատելու մասին որոշման նախագիծ։ Նման որոշում կայացվեց կառավարության նիստում։ Հարցը չզեկուցվող էր։
Համաձայնագիրը ստորագրվել է 2018 թվականի սեպտեմբերի 28-ին՝ ԱԳ նախարար Զոհրաբ Մնացականյանի կողմից:
Համաձայնագրի նպատակն է խրախուսել, դյուրացնել և քաջալերել պայմանավորվող կողմերի պաշտոնյաների այցելությունները` դիվանագիտական և պաշտոնական վավեր անձնագրեր ունեցող անձանց մուտքի արտոնագրի պահանջից ազատելու միջոցով: Կողմերից յուրաքանչյուր պետության այն քաղաքացիները, ովքեր ունեն դիվանագիտական և պաշտոնական վավեր անձնագրեր, ազատվում են մուտքի արտոնագրի պահանջից մյուս կողմի պետության տարածք մուտքի, կացության, ելքի կամ անհրաժեշտության դեպքում այդ պայմանավորվող կողմի պետության տարածքով տարանցման համար` նրանց մուտք գործելու օրվանից երեսուն օրը չգերազանցող ժամանակահատվածով։
Մեկնաբանել