HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

«Նորավանք» գիտակրթական հիմնադրամի լուծարման համար գումար հատկացվեց

Կառավարությունն այսօրվա նիստին որոշեց 16,5 միլիոն դրամ հատկացնել վարչապետի աշխատակազմին՝ «Նորավանք» գիտակրթական հիմնադրամի լուծարման գործընթացը կարգավորելու նպատակով:

Վարչապետի աշխատակազմը հայտնում է, որ գումարը տրամադրվելու է կառավարության պահուստային ֆոնդից: Դրանով մարվելու են հիմնադրամի՝ հունվարի 1-ից հետո կուտակված ֆինանսական պարտավորությունները, մասնավորապես` աշխատակիցների աշխատավարձերը, ամենամսյա վճարման ենթակա հարկերը, կոմունալ ծախսերը, կապի ծառայությունների վճարը և դրա չվճարման արդյունքում ձևավորված տույժերը:

Հիմնադրամի աշխատակիցները ծանուցվել են, որ հունիսի 21-ից իրենց աշխատանքային պայմանագրերը լուծվելու են: Հիմնադրամի գործադիր տնօրենը վարչապետի աշխատակազմի հանձնարարականին համապատասխան ներկայացրել է հաշվարկ-հիմնավորում հիմնադրամի պարտավորությունների վերաբերյալ։

Նշենք, որ «Նորավանք» գիտակրթական հիմնադրամը ստեղծվել է 2000թ.՝ որպես ռազմավարական հետազոտությունների և նորարարական մշակումների կենտրոն: Կանոնադրության համաձայն` հիմնադրամի հոգաբարձուների խորհրդի նախագահ է նշանակվում հանրապետության գործող վարչապետը: Այս տարվա մարտին «Օրբելի» վերլուծական-հետազոտական կենտրոնի բացման արարողության ժամանակ հայտարարվեց, որ կենտրոնի աշխատանքներում ներգրավված են լինելու նաև «Նորավանք» հիմնադրամի փորձագետները:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։