Հինգ աղբատար մեքենաները, որոնք վերջերս ձեռք բերեց Երեւանի քաղաքապետարանը, այսօր սկսել են աղբը հավաքել մայրաքաղաքի վարչական շրջաններից։ Այս մասին տեղեկացնում է քաղաքապետարանի մամուլի ծառայությունը:

18, 19 եւ 22 տոննա բեռնատարողությամբ մեքենաները աղբը կհավաքեն այն հատվածներում, որտեղ անհրաժեշտություն կլինի։ Համապատասխանաբար, աղբահանության օպերատորի թերացման պատճառով քաղաքապետարանի աղբատարերի օգնությմբ տարված աշխատանքների ծավալի չափով օպերատորին տրամադրվելիք գումարից պահումներ կարվեն։

Քաղաքը նախատեսում է ձեռք բերել եւս շուրջ 20 աղբատար մեքենան եւ մի քանի հազար աղբաման։ Այսպիսով, Աղբահանության եւ սանմաքրման համայնքային հիմնարկը փաստացի կդառնա աղբահանության երկրորդ օպերատորը։