Տեսանյութեր
Լուսանկարներ
Փոխվարչապետն ու «Ծառուկյան» խմբակցության անդամները քննարկել են խորհրդարան անցնող 4-րդ ուժի անցողիկ շեմի հարցը
Քիչ առաջ ավարտվեց «Ծառուկյան» խմբակցության և առաջին փոխվարչապետ Արարատ Միրզոյանի հանդիպումը: Հանդիպումից հետո «Ծառուկյան» խմբակցության քարտուղար Վահե Էնֆիաջյանն ասաց, որ հակասություն ունեն խորհրդարան անցնող չորրորդ ուժի անցողիկ շեմի հարցում, առաջարկում են շեմը բարձրացնել:
«Խորհրդարանն իրոք պետք է արտացոլի մեր ժողովրդի կամքը, կարծիքը: Մեզ համար եթե սկզբունքային կետերն ընդունվում են, բնականաբար «Ծառուկյան» խմբակցությունը միասնական ձևով կողմ կքվեարկի, մենք հիմա քննարկումների փուլում ենք, երբ տեղափոխվի աշխատանքային փուլ, մեր առաջարկները կներկայացնենք»,- ասաց Էնֆիաջյանը:
Առաջին փոխվարչապետ Արարատ Միրզոյանը դրական գնահատեց քննարկումը: Ինչ վերաբերում է խմբակցության առաջ քաշած հարցին շեմի վերաբերյալ, Միրզոյանն ասաց. «Եկանք այն փոխզիջման, որ չորրորդ ուժը կարող է հայտնվել ֆրակցիայում, եթե հավաքել է առնվազն 2 % քվե»,- ասաց Միրզոյանը:
Այժմ Արարատ Միրզոյանը հանդիպում է ՀՅԴ խմբակցության պատգամավորների հետ:
Մեկնաբանել