24 միլիոն դրամ՝ կարկտահարությունից տուժած Քարինջին
Կառավարության պահուստային ֆոնդից Լոռու մարզպետարանին կհատկացվի մոտ 24 միլիոն դրամ՝ Թումանյան համայնքի Քարինջ բնակավայրում կարկտահարության հետևանքով վնասված շենք-շինությունների բնակիչներին աջակցություն ցուցաբերելու և կարկտահարությունից վնասված դպրոցի տանիքը վերանորոգելու նպատակով:
Ինչպես նշվում է կառավարություն բերված որոշման նախագծում՝ սեպտեմբերի 10-ին տեղատարափ անձրևից և կարկտահարությունից վնասվել են Քարինջի 117 բնակիչների տների տանիքները, բացի այդ զգալի վնաս է հասցվել Քարինջի միջնակարգ դպրոցի շենքին: 1980-ական թվականներին կառուցված դպրոցի շենքի տանիքն ամբողջությամբ վնասվել է և մասնակի վերանորոգումն ու շահագործումը դարձել է անհնար: Տանիքի հիմնանորոգման համար պահանջվել է մոտ 12 միլիոն դրամ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել