Կառավարությունն ընդունեց զորակոչից խուսափած անձանց քրեական հետապնդումը դադարեցնելու և ժամկետը երկարաձգելու նախագիծը
Կառավարության նիստում ընդունվեց որոշում, որի համաձայն՝ երկարաձգվեց զինվորական ծառայությունից խուսափած անձանց նկատմամբ քրեական հետապնդման ժամկետը։
Նախագիծը ներկայացրեց պաշտպանության նախարարի պաշտոնակատար Գաբրիել Բալայանը։ Նախաձեռնության հեղինակը «Ելք» խմբակցության քարտուղար Գևորգ Գորգիսյանն է, պատգամավորն առաջարկում է «Զինապարտության մասին» օրենքի խախտմամբ պարտադիր զինվորական ծառայության զորակոչից խուսափած և 27 տարին լրացած ՀՀ քաղաքացիների նկատմամբ հարուցված քրեական հետապնդումը դադարեցնելու նպատակով երկարաձգել «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» օրենքի գործողության ժամկետը մինչև 2018 թվականի դեկտեմբերի 31-ը:
Հիշեցնենք, որ «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» օրենքի վերջին փոփոխությունն արվել է նախորդ տարի դեկտեմբերին․ այն ժամանակ գործող իշխանությունը վստահեցրել էր, որ սա վերջին փոփոխությունն է։
Մեկնաբանել