ՄԻՊ․ «Այսօր կույրերի միջազգային օրն է․ հաշմանդամություն ունեցող անձանց իրավունքների պաշտպանության հարցը մշտապես գտնվում է մեր ուշադրության ներքո»
Այսօր կույրերի միջազգային օրն է: Մարդու իրավունքների պաշտպանի գրասենյակը հաղորդագրություն է հրապարակել․
«Պետք է ստեղծել հավասար հնարավորություններ տեսողական խնդիրներ ունեցող անձանց կողմից իրենց իրավունքների հավասար և ինքնուրույն իրացման համար:
Պետք է երաշխավորել ֆիզիկական միջավայրի, տեղեկատվության և ծառայությունների մատչելիությունը. դրա շնորհիվ տեսողական խնդիրներ ունեցող անձինք հնարավորություն կունենան իրենց դրսևորել որպես իրավունքի լիարժեք սուբյեկտ:
Հաշմանդամություն ունեցող անձանց իրավունքների պաշտպանության հարցը մշտապես գտնվում է Պաշտպանի ուշադրության ներքո:
Կից ներկայացնում ենք Մարդու իրավունքների պաշտպանի տարեկան հաղորդման մեջ արտացոլված՝ հաշմանդամություն ունեցող անձանց իրավունքների իրացման համար անհրաժեշտ ֆիզիկական միջավայրի մատչելիության վերաբերյալ տեսանյութը»․
Մեկնաբանել