Նոյեմբերի 21-ին ԱԺ արտահերթ նիստ. օրակարգում՝ պետական բյուջեի նախագիծը
Կառավարությունն առաջարկում է խորհրդարանին նոյեմբերի 21-ին ժամը 11:00-ին գումարել արտահերթ նիստ։ Նման որոշում ընդունվեց կառավարության այսօրվա նիստին։ Նախագիծը ներկայացրեց առաջին փոխվարչապետի պաշտոնակատար Արարատ Միրզոյանը։
Արտահերթ նիստի օրակարգում են հետևյալ հարցերը՝ «Պաշտոնատար անձանց գործունեության ապահովման, սպասարկման և սոցիալական երաշխիքների մասին», «Աշխատանքային օրենսգրքում լրացումներ և փոփոխություններ կատարելու մասին», «Ղրղզստանի Հանրապետության՝ Եվրասիական տնտեսական միության մասին 2014 թվականի մայիսի 29-ի պայմանագրին միանալու վերաբերյալ 2014 թվականի դեկտեմբերի 23-ին ստորագրված պայմանագրում փոփոխություն կատարելու մասին» արձանագրությունը վավերացնելու մասին, «2018 թվականի փետրվարի 2-ին Ալմաթիում ստորագրված Եվրասիական տնտեսական միությունում նույնականացման միջոցներով ապրանքների դրոշմավորման մասին» համաձայնագիրը վավերացնելու մասին, Հայաստանի Հանրապետության և Ասիական զարգացման բանկի միջև 2018 թվականի նոյեմբերի 9-ին ստորագրված «Հանրային արդյունավետության և ֆինանսական շուկաների ծրագիր. Ենթածրագիր 2» վարկային համաձայնագիր վավերացնելու մասին», «Հայաստանի Հանրապետության ընդերքի մասին օրենսգրքում փոփոխություններ և լրացումներ կատարելու մասին», «2019 թվականի պետական բյուջեի մասին» և այլ նախագծեր։
Հիշեցնենք, որ խորհրդարանն իրավունքի ուժով արձակվել է, սակայն շարունակում է իր լիազորությունների կատարումը մինչև նոր խորհրդարանի ձևավորումը։
Մեկնաբանել