Ռուսաստանը լրջորեն մտահոգված է հայ-ադրբեջանական սահմանին իրավիճակի սրմամբ ու կողմերին կոչ է անում քայլեր ձեռնարկել սահմանին առկա լարվածության թուլացման ուղղությամբ: Այդ մասին հայտարարել է ՌԴ արտաքին գործերի նախարար Մարիա Զախարովան։
Ադրբեջանի կառավարությունը հրաժարական է տվել Ալիևի երդմնակալության արարողությունից և Ադրբեջանի նախագահի պաշտոնը վերստանձնելուց հետո: Այդ մասին նշվում է Ադրբեջանի նախագահ Իլհամ Ալիևի ստորագրած հրամանագրում, որը հրապարակվել է նրա պաշտոնական կայք էջում։
ՀԱՊԿ այս պաշտոնյայի խոսքով՝ Արևմուտքը «ձգտում է ազդեցություն ունենալ Բաքվի և Երևանի միջև հետկոնֆլիկտային կարգավորման վրա»՝ չնայած Հայաստանի անդամակցությանը ՀԱՊԿ-ին:
Ուկրաինայի նախագահ Վլադիմիր Զելենսկին պատրաստվում է այցելել Արևմտյան Եվրոպայի մի քանի երկրներ՝ Ուկրաինային ռազմական օգնության հատկացումն արագացնելու համար: Այդ մասին հայտնում է Bloomberg գործակալությունը՝ հղում անելով իր աղբյուրներին։
Ֆրանսիան Լիբանանին Իսրայելի հետ հաշտեցման պլան է առաջարկել։ Այդ մասին հայտնում է Reuters գործակալությունը՝ հղում անելով համապատասխան փաստաթղթին։
Նախկին նախագահի փաստաբանների հայտարարության մեջ ասվում է, որ նախընտրական քարոզարշավի ընթացքում ամիսներ տևելիք դատավարությունը «կխաթարի նախագահ Թրամփի՝ նախագահ Բայդենի դեմ քարոզարշավ վարելու հնարավորությանը»:
Եվրամիությունն ու Հայաստանը որոշել են սկսել երկկողմ համագործակցության հավակնոտ ընդլայնման ուղղությամբ աշխատանքը։ Նման հայտարարությամն հանդես է եկել ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը։
Եվրոպայի խորհրդի գլխավոր քարտուղարը մտահոգված է հայ-ադրբեջանական սահմանին փոխհրաձգության մասին հաղորդագրություններով։ Այդ մասին X-ի իր միկրոբլոգում գրառում է արել Եվրոպայի խորհրդի գլխավոր քարտուղար Մարիա Պեյչինովիչ Բուրիչը։
Մոսկվան Երևանին և Բաքվին զսպվածության կոչ է անում իրավիճակի ներկայիս սրման վերաբերյալ և հույս ունի, որ խաղաղության պայմանագրի նախապատրաստման գործընթացը կշարունակվի։ Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը։
Ռուսաստանի Դաշնությունն ու Ադրբեջանը համաձայնեցնում են Լեռնային Ղարաբաղում ՌԴ խաղաղապահ զորակազմի շուրջ բանակցությունների հաջորդ փուլի ժամկետները: Այդ մասին հայտարարել է Ադրբեջանում Ռուսաստանի դեսպան Միխայիլ Եվդոկիմովը։
Բաքուն և Երևանը կարող են շուտով ավարտել խաղաղության պայմանագրի շուրջ բանակցությունները։ Ռուսական «Известия»-ին տված հարցազրույցում նման պնդմամբ հանդես է եկել Ադրբեջանում Ռուսաստանի դեսպան Միխայիլ Եվդոկիմովը։
Ռուսաստանը պետք է Հայաստանից հավաստիացումներ ստանա Միջազգային քրեական դատարանի կանոնադրությանը միանալու կապակցությամբ։ Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը։
Ադրբեջանում Եվրամիության դեսպան Պետեր Միխալկոն կանչվել է այդ երկրի արտաքին գործերի նախարարություն։ Ադրբեջանական կողմը նրան մտահոգություն է հայտնել Հայաստանում ԵՄ դիտորդական առաքելության գործունեության կապակցությամբ:
Ռուսական զորքերը Shahed տեսակի անօդաչուներով հարվածներ են հասցրել Խարկովին և Վելիկի Բուրլուկին, ինչի հետևանքով կա 7 զոհ։ Այդ մասին հայտնել է Խարկովի մարզային զինվորական վարչակազմի ղեկավար Օլեգ Սինեգուբովը։
ԱՄՆ գործող նախագահ Ջո Բայդենը, մինչև իր նախագահական ժամկետի ավարտը, կարող է երրորդ համաշխարհային պատերազմ սանձազերծել։ Նման հայտարարությամբ հանդես է եկել ԱՄՆ նախկին նախագահ Դոնալդ Թրամփը։
Առնվազն 15 մարդ Է զոհվել Իսրայելի պաշտպանության բանակի կողմից Գազայի հատվածի հարավում գտնվող Ռաֆահ քաղաքի գիշերային հրթիռակոծության հետևանքով: Այդ մասին հայտնում է Al Jazeera հեռուստաընկերությունը։
Սիրիայի պաշտպանության նախարարությունը փոխանցում է, որ հարձակումն իրականացվել Է Գոլանի բարձունքներից, որը գտնվում է Իսրայելի վերահսկողության տակ։
Մեծ Բրիտանիայի ԱԳՆ-ն հայտարարել է Ադրբեջանի նախագահական ընտրություններում արձանագրված լուրջ խախտումների մասին: Ինչպես ասված է Միացյալ Թագավորության արտաքին քաղաքական գերատեսչության տարածած հայտարարության մեջ, դա անհանգստությության առիթներ է ստեղծում:
Ռուսական զորքերը ավիահարվածներ են հասցրել Ուկրաինայի Սումիի մարզի ուղղությամբ, ինչի հետևանքով զոհվել է 3 մարդ: Այդ մասին հայտնում է Սումիի մարզային զինվորական վարչակազմը։
Ուկրաինայի նախագահ Վլադիմիր Զելենսկին Ուկրաինայի զինված ուժերի գլխավոր շտաբի նոր պետ է նշանակել գեներալ-մայոր Անատոլի Բարգիլևիչին: Այդ մասին Զելենսկին հայտնել է իր երեկոյան տեսաուղերձում։
Ցանկության դեպքում Ռուսաստանը պատրաստ է աջակցել Լեռնային Ղարաբաղի հայերի անվտանգ վերադարձը տարածաշրջան։ Այդ մասին TACC-ին տված հարցազրույցում հայտարարել է ՌԴ արտաքին գործերի նախարարի տեղակալ Միխայիլ Գալուզինը։
Մոսկվան Լեռնային Ղարաբաղում ռուս խաղաղապահների գտնվելու պայմանները կքննարկի միայն Բաքվի հետ՝ կապված տարածաշրջանում իրավիճակի արմատական փոփոխության հետ: Այդ մասին ռուսական TACC գործակալությանը տված հարցազրույցում հայտարարել է ՌԴ ԱԳ նախարարի տեղակալը։
Հյուսիսային Կորեան Կորեայի Հանրապետությանը համարում է իր անփոփոխ գլխավոր թշնամին և պատրաստ է բռնազավթել այդ երկր տարածքը արտակարգ հանգամանքների առաջացման դեպքում, որոնք պահանջում են սեփական անվտանգության ապահովում:
ՌԴ պաշտպանության նախարարությունը հայտարարել է, որ փետրվարի 8-ին Ռուսաստանն ու Ուկրաինան գերիների փոխանակում են իրականացրել:
Վլադիմիր Զելենսկին վերջապես հայտարարեց Ուկրաինայի զինված ուժերի գլխավոր հրամանատարի փոփոխության մասին։ Ուկրաինայի նախագահի որոշմամբ՝ Վալերիի Զալուժնիին կփոխարինի Ուկրաինայի ԶՈւ ցամաքային զորքերի հրամանատար Ալեքսանդր Սիրսկին։
ԵԱՀԿ-ն հայտարարություն է տարածել Ադրբեջանում կայացած նախագահական ընտրությունների արդյունքների վերաբերյալ, որտեղ մտահոգություն է հայտնել քվեարկության ազնվության վերաբերյալ և մատնանշել լցոնումների դեպքերի մասին։
Կոբախիձեին վարչապետ նշանակելու և նրա գլխավորած կառավարության հաստատմանը կողմ է քվեարկել 84 պատգամավոր, դեմ՝ 10-ը:
Ռուսաստանը Հայաստանին կոչ է անում հրապարակային հարձակումների և քննադատության փոխարեն սկսել քննարկել ՀԱՊԿ-ում առկա իրավիճակը։ Նրա խոսքով՝ կազմակերպության բոլոր անդամները շահագրգռված են կազմակերպության գործունեության կատարելագործմամբ։
Հայաստանի և Ադրբեջանի միջև հարաբերությունների կարգավորման ամենահուսալի ճանապարհը եռակողմ պայմանավորվածությունների իրականացումն է: Այդ մասին հայտարարել է ՌԴ արտաքին գործերի նախարարի տեղակալ Միխայիլ Գալուզինը։
Իլհամ Ալիևը հերթական՝ հինգերորդ ժամկետով վերընտրվել է Ադրբեջանի նախագահի պաշտոնում: Ալիևի հաղթանակը պաշտոնապես հայտարարել է այդ երկրի Կենտրոնական ընտրական հանձնաժողովը։
ՌԴ նախագահ Վլադիմիր Պուտինի այցը Թուրքիա փետրվարից տեղափոխվել է ապրիլի վերջ–մայիսի սկիզբ: Այդ մասին հայտնում է РИА Новости-ն՝ հղում անելով Անկարայում դիվանագիտական իր աղբյուրին։
Ռուսաստանի զինված ուժերը հրթիռակոծության են ենթարկել Կիևը, ինչի հետևանքով կա 4 զոհ և շուրջ 40 վիրավոր։ Այդ մասին հայտնել է Կիևի քաղաքային վարչակազմը։ Ավելի վաղ, նախագահ Վլադիմիր Զելենսկին հայտնել էր 2 զոհի և առնվազն 10 վիրավորի մասին։
Թուրքական Baykar ավիաշինական ընկերությունը Կիևի մերձակայքում սկսել է անօդաչուների գործարանի շինարարությունը, որտեղ կարտադրվեն Bayraktar TB2 կամ TB3 անօդաչու թռչող սարքեր:
Զախարովան այս հայտարարությունն արել է ՀՀ վարչապետ Նիկոլ Փաշինյանի այն հայտարարությանն ի պատասխան, որ մի շարք պատճառներով Ռուսաստանը դադարել է լինել պաշտպանական և ռազմատեխնիկական ոլորտներում Հայաստանի առանցքային գործընկերը։
Ադրբեջանում ավարտվել է նախագահական ընտրությունների քվեարկությունը: Ժամը 19:00-ին փակվել են բոլոր ընտրատեղամասերը։
Ադրբեջանում մեկնարկել են արտահերթ նախագահական ընտրությունները։ Այդ երկրում բոլոր ընտրատեղամասերը բացվել են Երևանի ժամանակով 08:00-ին։ Ընտրությունների պաշտոնական մեկնարկը տվել է Ադրբեջանի ԿԸՀ ղեկավար Մազահիր Փանախով։
Կառավարությունը, սակայն, գաղտնի է պահում ամերիկյան այս ընկերության հետ կնքված պայմանագրի գինը՝ նշելով, թե գործի գաղտնիության պատճառով չի կարող տրամադրել այն։
Ուկրաինայի նախագահ Վլադիմիր Զելենսկին խորհրդակցություններ է անցկացնում ոչ միայն Ուկրաինայի զինված ուժերի գլխավոր հրամանատար Վալերի Զալուժնիին, այլև գլխավոր շտաբի պետ Սերգեյ Շապտալային պաշտոնից ազատելու վերաբերյալ:
Վրաստանի պետական անվտանգության ծառայությունը հայտարարել է, որ առգրավել է մի քանի պայթուցիկ սարքեր և մեծ քանակությամբ պայթուցիկ նյութեր, որոնք նախատեսվում էր տեղափոխել Ռուսաստանի տարածք: Այդ մասին հայտնում է Վրաստանի Առաջին ալիքը։
Իսրայելի պաշտպանության բանակին (ՑԱԽԱԼ) այսօրվա դրությամբ հաջողվել է ոչնչացնել ՀԱՄԱՍ խմբավորման 24 գումարտակներից 17-ը: Նման հայտարարությամբ Թել Ավիվում հանդես է եկել Իսրայելի վարչապետ Բենյամին Նեթանյահուն։
Հունգարիայի իշխող «Ֆիդես-Հունգարիայի քաղաքացիական միություն» կուսակցության պատգամավորները չեն ներկայացել խորհրդարանի արտահերթ նիստին, որտեղ պետք է կայանար ՆԱՏՕ-ին անդամակցության Շվեդիայի հայտի քվեարկությունը: Այդ մասին հայտնում է տեղական HVG-ն։
Ամերիկայի Միացյալ Նահանգները ծրագրում է շարունակել հարվածներ հասցնել Մերձավոր Արևելքի այն թիրախներին, որոնց «աջակցում է Իրանը»: Այդ մասին հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը:
Ղազախստանի նախագահ Կասիմ-Ժոմարտ Տոկաևն ընդունել է վարչապետ Ալիխան Սմաիլովի գլխավորած կառավարության հրաժարականը։ Այդ մասին հայտնում է Ղազախստանի նախագահի մամուլի ծառայությունը։
Ֆրանսիայի ազգային ժողովը (խորհրդարանի ստորին պալատը) մերժել է Ֆրանսիայի նոր կառավարությանը անվստահության քվեն: Այդ մասին հայտնում է LCP-ն, որն ուղիղ հեռարձակում էր իրականացնում ֆրանսիական խորհրդարանից։
The Washington Post-ի տվյալներով՝ Սպիտակ տան ներկայացուցիչները չեն աջակցել այդ որոշմանը, բայց և չեն դիմադրել՝ հայտարարելով, որ դա Զելենսկիի սուվերեն ընտրությունն է։
Հյուսիսային Կորեայի առաջնորդ Կիմ Չեն Ընը Հյուսիսային Կորեայի ռազմածովային ուժերին կոչ է արել «պատրաստվել պատերազմի» և պաշտպանել այդ երկրի ծովային ինքնիշխանությունը: Այդ մասին հայտնում է հարավկորեական Yonhap գործակալությունը։
Մեծ Բրիտանիայի արտաքին գործերի նախարար Դևիդ Քեմերոնը հայտարարել է, որ Լոնդոնը կարող է ճանաչել Պաղեստինի անկախությունը՝ չսպասելով այդ հարցի շուրջ իսրայելա-պաղեստինյան բանակցությունների արդյունքին: Բրիտանացի նախարարի խոսքերը մեջբերել է Sky News-ը։
Թուրքիայի Կենտրոնական բանկի ղեկավար Հաֆիզե Գայե Էրքանը հրաժարական է տվել։ Ըստ որոշ աղբյուրների՝ այն կապված է կոռուպցիոն մեղադրանքների հետ: Էրքանը ազատման մասին դիմումը փետրվարի 2-ին ուղարկել էր Թուրքիայի նախագահ Ռեջեփ Թայիփ Էրդողանին։
Սիրիայի արևելքում գտնվող Դեյր էզ-Զոր պրովինցիայում գտնվող ամերիկյան ռազմաբազան հրթիռակոծվել է։ Այդ մասին ТАСС գործակալությա փոխանցմամբ հայտնում է լիբանանյան Al Mayadeen հեռուստաընկերությունը։ Ռազմաբազան տեղակայված է Կոնիկո գազի հանքավայրի մոտ։